ഞാൻ നിൻ സ്നേഹത്തിന്നുപകരണം .

 സ്നേഹപ്രവാഹം

നാഥാ  നിന് സ്നേഹപ്രവാഹം 
 എങ്ങുമെന്നെരവും  അലതല്ലിടുന്നു .
പ്രഭ ചൊരിയുന്നിതു  നിത്യവും  
ഹൃദയങ്ങൾ കഴുകുകയാനെങ്കിലും 

ഒരു നേരമൊന്നു മുങ്ങിതുടിച്ചാൽ 
ശുദ്ധം ആകുമെൻ അന്തരംഗം 
നിർഗളിക്കുന്നീ  സ്നേഹവീചികൾ 
തഴുകുന്നിത് നമ്മെ എന്നുമെന്നും .

പുഞ്ചിരിക്കുന്ന മഴതുള്ളികളിലും 
മന്ദമായ് വീശുന്ന മാരുതനിലും 
സന്ഗീതസാന്ദ്രമം ദല മർമ്മരത്തിലും 
വിടരുന്നിത്  നിൻ  ദിവ്യ സ്നേഹം .

മാധുര്യമേറും സ്നേഹഗീതങ്ങൾ 
ആലപിക്കുന്നു നീ എന്നുമെന്നും 
നിന് ഗാനമെന്നു ഞാൻ കരുതിയതൊക്കെയും 
ചിതറിവീഴുന്ന പാഴ്സ്വരങ്ങൾ .

അനന്തമാകുന്ന നിൻ സ്നേഹം 
എന്നിൽ തട്ടി പ്രതിഫലിക്കട്ടെ 
വാനിൽ തിളങ്ങുന്ന തിങ്കൾ  പോലെ 
ഞാൻ നിൻ സ്നേഹത്തിന്നുപകരണം .

                                                               ജോസഫ്‌ ഷിബിൻ 
( ആഴമായ  ദൈവ സ്നേഹാനുഭവത്തിൽ നിന്ന് പുറപ്പെടുന്ന ജലധാര )